‘भ्यालेन्टाइन्स मुड’ जगाउने ‘वसन्त’को टिजरमा प्रकाश र स्वस्तिमाको प्रेमलाप
गायक तथा अभिनेता प्रकाश सपुत निर्देशित फिल्म ‘वसन्त’को टिजर सार्वजनिक भएको छ । टिजरलाई ‘मिलनको कविता’ नाम दिइएको छ । युवकले युवतीलाई फकाउन कविता पढिरहेको सन्दर्भमा टिजर बनेको छ ।
फिल्मको शीर्ष भूमिकामा सपुत र अभिनेत्री स्वस्तिमा खड्का देखिएका छन् । निर्माताले यसलाई ‘भ्यालेन्टाइन्स डे विशेष कविता’ भनेको छ । प्रणय दिवसको मुड जगाउन यो टिजर प्रभावकारी हुने आशा निर्माताको छ ।
