‘स्त्री’ फागुन २९ गतेदेखि देशभर प्रदर्शनमा आउने
जीवन शाहीको लेखन तथा निर्देशनमा निर्माण भइरहेको नयाँ नेपाली सिनेमा ‘स्त्री’ ले आफ्नो प्रदर्शन मिति सार्वजनिक गरेको छ। निर्माण पक्षका अनुसार ‘स्त्री’ आगामी फागुन २९ गतेदेखि देशभरका हलमा प्रदर्शनमा आउने भएको छ। मिति घोषणा संगै सिनेमाको शीर्षक डिजाइन पनि सार्वजनिक गरिएको छ।
मेला रेकर्डिङ स्टुडियोको ब्यानरमा समिर राईको निर्माण रहेको यस सिनेमामा निर्देशक शाहीकै कथा समावेश छ भने पटकथामा उनलाई किशन अर्यालले सहयोग गरेका छन्। रामशरण उप्रेतीको छायांकन, बाबुल गिरीको संगीत, सुबास काफ्ले प्रोजेक्ट म्यानेजर, देव महर्जन द्वन्द्व निर्देशक, चन्द्र भण्डारी प्रमुख सह–निर्देशक तथा श्याम बराल मेकअप र सुकनिता चौलागाईं ड्रेस डिजाइनमा छन्।
सह–निर्मातामा सहदेव बिष्ट, प्रमोद भट्टराई प्रतीक, रिता श्रेष्ठ र मञ्जु राजबंशी रहेका छन्। सयौँ म्युजिक भिडियो निर्देशन गरिसकेका जीवन शाहीका लागि ‘स्त्री’ डेब्यु निर्देशन सिनेमा हो। सामाजिक कथामा तयार भइरहेको यस सिनेमामा प्रमोद अग्रहरी, सलोन बस्नेत, रिस्ता बस्नेत, नम्रता श्रेष्ठ, दिनेश डिसी र दीपाश्री निरौला मुख्य भूमिकामा छन्। बालकलाकार दिप्सन चिलवाल पनि सिनेमामा देखिनेछन्।
निर्माता समिर राईका अनुसार सिनेमाको हाल पोस्ट–प्रोडक्सनको काम चलिरहेको छ। नारी–केन्द्रित कथामा बनेको ‘स्त्री’ को डिजिटल अधिकार ओएसआर डिजिटलले खरिद गरिसकेको छ भने सिनेमालाई एप्पल इन्टरटेनमेन्ट, एफडी र रिच इन्टरटेनमेन्टले देशभर वितरण गर्नेछन्।
जारी २ | JAARI 2
143 Min
उपेन्द्र सुुब्बा
दयाहाङ राई, बिजय बराल, बुद्धि तामाङ, मिरुना मगर
बक्स अफिसरू. 5.89 Crore
परान | PARANA
146 Min
दीपक प्रसाद आचार्य
अन्जना बराइली, केकी अधिकारी, निर शाह
बक्स अफिसरू. 12.66 crore
जेरी अन टप | Jerry on To
१७५ मिनेट
सुुयोग गुरुङ
अनमोल केसी, आँचल शर्मा, केदार घिमिरे, जसिता गुरुङ, भुवन केसी
बक्स अफिस
अभिमन्यु च्याप्टर १ | Abhimanyu Chapter 1
4 Dec 2025
सुशान्त गाैतम
कामेश्वर चौरासिया, गौमाया गुरुङ, शिशिर बाङ्देल, सरिता गिरी
हर्ष | HARSHA
Nov 28 2025
एकता पाैडेल
खगेन्द्र लामिछाने, निर शाह, बर्षा राउत, सन्ताेष पन्त
